TAUNU’U MANUIA MAI LE TAMA FAALE-AGAGA, Rev. Eteuati Toma!

June 2nd, 2014 by jsoonafai

E le faaitiitia le agaga faafetai ma le leo e vivi’i pea e faafetaia ai le alofa ma le agalelei o Le Tama  i le Lagi,  i lona alofa ma lona agalelei, ua ia tali mai, e pei ona tuu atu pea i talosaga nisi o tatou mana’oga. Faafetai tele Tama, olea ua taunu’u ma le manuia i fanua le faigamalaga a le Tama o le Ekalesia,  le Susuga i le Faafeagaiga ia,  Rev. Eteuati Toma. Sa tu’u atu pea i le Atua lana sailiga faapea nisi o su’ega,  aua lava le tautuaina o le galuega aemaise ia faatumau le soifua manuia aua le tausiga o lana lafu mamoe.

 

 O le afiafi la o le aso to’anai ua te’a May 31, 2014, na faia ai se faatasiga i le SIONA HALL lea  na failotu atu ai le aufaigaluega , i Susuga i A’oa’o ma o latou Faletua ma nisi o tiakono, fanau autalavou  faapea  le faletua ia Lipeti ma le fanau, e faafetaia ai le alofa o le Atua ua manuia le sa’iliga a le tama i Niu sila. Lea ua toe taliu manuia mai,  maua le feiloaiga fiafia, ae fo’i lava le VIIGA i LE Atua! O se faatasiga manuia tele ma le faagaeetia, aua sa ta’itaia lenei mafutaga fiafia e le Susuga i le Faifeau ia Poumale ma le Faletua ia Lisi Va’a Poumale mai Alofi, Niue, o au lupe-faalele Siona i le Tala-lelei. Faatalofa atu ai i lau Susuga ma le faletua “WELCOME HOME!”

Viia Iesu i lana faamalologa i le Faletua ia Pulotu Solomona Tapu e pei ona tuu atu fo’i i ou aao faamalolo lona gasegase, maua mai le tala fiafia mai i le faletua , “Ua manuia lava o ia i le alofa o Le Atua! ae tatou te nofo tatalo pea mo le Susuga i le A’oa’o ia Tasele Tuigamala , Tama ia Aifano Siota ma le atali’i ia Vincent Meleisea. Agalelei le Alii ia te outou uma.

  E momoli atu ai le faafetai tele i le mamalu o le tapuaiga a le Ekalesia i le tina o le galuega ia Lipeti Toma , Laulauafono  faapea vaega ta’itasi ae maise le aotelega o le Ekalesia i Siona faapea ole au -uso tatalo. faafetai fai tatalo, faafetai    tapua’i.

One Comment on “TAUNU’U MANUIA MAI LE TAMA FAALE-AGAGA, Rev. Eteuati Toma!”

  1. jsoonafai says:

    VIIA IESU!

Leave a New Comment

You must be logged in to post a comment.